مركز الدكتور محمد حماده

اعرف ركبتك في اي درجة من درجات الخشونة وطريقة العلاج بدون جراحة

0 222

اعرف ركبتك في اي درجة من درجات الخشونة

(والعلاج بدون جراحة)

 

السلام عليكم ورحمة الله وبركاته وأهلا ومرحبا بكم حضرتكم في حلقة جديدة من حلقات حياتك بدون آلام حلقة اليوم مهمة جدا ومميزة جدا وإن شاء الله أتمنى أنها تكون مفيدة بالنسبة لحضرتك هنتكلم فيها عن خشونة الركبة طبعا خشونة الركبة من الحاجات اللي بدأت يعني ظاهرة واضحة جدا جدا وتحصل ناس كتيرة جدا في مجتمعنا وشايفينها ليس فقط في السن الكبير ونراها أيضا في بعض الحالات في السن الصغير النهاردة هنجيب على سؤال مهم قوي وان شاء رب العالمين أيضا في الحلقات القادمة بإذن الله نتكلم أو هجاوب علي بعض الأسئلة المهمة التي تصلني في موضوع آلام الركبة وخشونة الركبة موضوع مهم. أيضا سؤال النهاردة سؤال مهم هل يادكتور كل الناس الذين عندهم خشونة في الركبة أو يعانوا من مرض خشونة الركبة كلهم يحتاجوا عملية استبدال مفصل يعني لازم يتغير لهم المفصل الطبيعي بمفصل صناعي طيب هل كل الناس اللي عندها خشونة في الركبة تعالج دوائيا فقط يعني بالعلاجات أو الأدوية أو المسكنات؟ طيب عاوزين نعرف إيه المراحل اللي تمهد لنا بعد ذلك بإذن رب العالمين ازاي بنتعامل مع كل مرحلة و ازاي بنعالجها لأن أنا ألاحظ كتير قوي إن الناس يعني أول ما تسمع أن عندها خشونة ركبة على طول بتفكر إن كلهم مثل بعض يعني يحطوا في تقسيم وحدة أو في جروب واحد أو في مجموعة واحدة هم كلهم بيسري عليهم سواء كانوا علاج دوائي أو هيتم لهم علاج جراح لكي نفهم هذا الكلام أول لقاء لي مع حضرتكم النهاردة هشرح فيه أو اعلق فيه على فيديو كويس أوي بسيط طبعا دا فيديو توضيحي ها يبين لنا مراحل خشونة الركبة.

طيب هو الفيديو أهميته ايه؟ مهم جدا علشان الناس السليمة الي ربنا عافاها من خشونة الركبة تخللي بالها ومتوقعش في المشكلة بتاعة خشونة الركبة والناس اللي عندها درجة من درجات خشونة الركبة سواء كانت بسيطة أو متوسطة تحافظ على نفسها بحيث ما توصلش للخشونة المتقدمة التي نحن مش عاوزين نوصل لها لأن ساعتها الخيارات بتاعت العلاج ستكون صعبة وهي طبعا عنيفة خاصة نحن نتكلم على يعني مجموعة من الناس الذين تصيبهم خشونة الركبة في الغالب يكون عندهم أمراض مزمنة وطبعا هذه الأمور بالنسبة لهم أو تدخل جراحي بالنسبة لهم يبقى خطير فلذلك رب العالمين أتمنى أن كل الناس تشوف الفيديو ده وتستوعب وتعرف إيه اللي بيحصل داخل ركبتها يعني إيه التغيرات التي تحصل داخل الركبة عشان يخلوا بالهم وما يحصلش إن شاء الله ليهم مشكلة هيا بنا نشوف الفيديو ونشوف درجات أو مراحل خشونة الركبة أول حاجة هنشوف الركبة السليمة الجميلة اللي ربنا خلقها اللي محصلهاش أي حاجة وهي خالية تماما من أي مشاكل ثم هنشوف اللي هي خشونة الركبة البسيطة ثم المتوسطة ثم الشديدة هل لازم نعرف المراحل اللي أنا فيها يعني إذا كان عندي خشونة أنا في أنهي مرحلة طبعا مش هقدر أعرف لكن الدكتور لما يقول لي أنت في المرحلة البسيطة أو المتوسطة أو الشديدة ابقي عارف شكل ركبتي دلوقتي فيها إيه من جوا وإيه وسائل العلاج الحديثة اللي احنا المفروض نتعامل بيها إن شاء الله مثل ما حضرتكم شايفين أول حاجة نحن نتكلم على خشونة يا إما تكون بسيطة يا إما تكون متوسطة يا إما تكون شديدة وطبعا أريد أن أقول نقطة مهمة فبعض الناس أحيانا يقسم الخشونة إلى أربع درجات، فدائما المريض الذي يقصد النوع في المرحلة الرابعة هي معناها الخشونة الشديدة مرحلة الخشونة الشديدة.

طيب تعالوا نشوف الفيديو دا طبعا الركبة من الداخل فيها أي الركبة فيها تركيبات جميلة جدا جميلة أو ناصعة فيها صابونة الرجل فيها عظم الفخد فيها العظمة بتاعة الساق من تحت وبعدين عندي هنا الغضاريف جميلة وبيضاء وتلمع لامعة في كيس كبسولة شفاف شوية و غضروف هلالي هنا وفي غضروف هلالي الجهة الثانية والغضاريف تتحرك على بعضها بسهولة تامة جدا اسمها الكارديش مفيش أي مشاكل وحتى تلمع لأن ربنا سبحانه وتعالى يفرز فيها مادة أو بخلايا تفرز مادة معينة اسمها سيلفيا الفلوت أو السائل اللي هو الجيلاتين الطبيعي الذي هو ربنا سبحانه وتعالى خلقنا بيه أو اللي بيلمع هذا الغضروف الهلالي الخارجي وهذا الغضروف الهلالي الداخلي وهذه طبعا الغضاريف وكما قلنا دي عظمة الفخذ ودي العظمة الساق من تحت حركة انسيابية جميلة جدا ربنا سبحانه وتعالى يخلي الركبة تفرز سائل معين بحيث أنها دائما تكون في حالة صحية كويسة أول درجة من درجات الخشونة اللي قدام حضراتكم دي أنا وقفت الصورة هتلاقي فيها أي؟ بدأ يحصل خدوش في الركبة بقى الكارتش الأبيض أو الغضاريف البيضاء الجميلة الحلوة مبقتشي بيضاء زي الأول بدأ يحصل فيها خدوش مثل ما حضرتكم شايفين كذا حفر بسيطة موجودة في الغضاريف الموجودة في العظمة بتاعة الساق وفي العظم بتاع الساق وبتاع عظمة الفخذ وبعدين بدأ يظهر نتوءات صغيرة أو بسيطة على الأجناب صغيرة مش مشكلة مش كبيرة قوي ولا تعوق الأمور.

هذه تعني الدرجة البسيطة من الخشونة تمام؟ طيب مش هنقول النهاردة علاج بس هنعلق على الفيديو ونقول المراحل ثم بعد كدا هنقول ازاي بنعالج كل مرحلة طيب كدا أنا في المرحلة الأولى يعني المريض اللي في هذه المرحلة مهم جدا بالنسبة ليه يكون عارف أنه في المرحلة دي محتاج يخلي باله جدا عشان ما يوصلش للمرحلة القادمة وهي المرحلة المتوسطة وبتاع المتوسطة ما يوصلش للمرحلة الشديدة نكمل مع بعض ونشوف طبعا هنا بدأ يحصل نتوء واضح قوي والركبة تحرك على بعضها. المريض يشتكي من الآلام طبعا بتاعت الالتهاب بتاع المفصل من الداخل وبعدين مثل ما حضرتك شايفين فيه شوية نتوءات صغيرة ظهرت على الحرف بس طبعا يعني أيضا تبقى بشكل بسيط وممكن العيان يحس بشوية ألم وشوية ميحسش بألم يأخذ مسكنات يبقي كويس يحصل شوية ارتشاح بسيط وبعدين يذهب مع مضادات الالتهاب والدنيا تبقي كويسة بعد ذلك إن شاء رب العالمين سنرى المرحلة الثانية لما الكراكات تكون عريضة هكذا بدأت تبقي حتة واسعة هكذا وبعدين النتوءات العظمية بدأت تظهر بشكل كبير ويبدأ يحصل تآكل مثل ما حضرتك شايفين عنيف في الغضاريف الهلالية اللي هو الغضروف الهلالي اللي بين عظمة الفخذ وعظمة الساق وهنا نفس الكلام هذا الغضروف الهلالي الخارجي وهذا الغضروف الهلالي الداخلي وبعدين بدأ يحصل فيه نتوءات مثل ما حضرتكم شايفين نتوءات عظمية واضحة وكبيرة وكمان يحصل لها حفر في تحت كمان الغضاريف اللي هي مغطية الحتة التي تحت إلتقاء العظمتين مع بعض وطبعا كمان سيطلع مواد معينة اسمها مود الذهبية التي حضرتك شايفينها هكذا هذه التي تجعل الشخص على طول يشتكي من آلام وعلى طول دائما في حرقان في رجله وعاوز ياخد مسكنات لكي تهدئ الخناقة أو التفاعلات التي تحصل داخل اللي داخل المفصل أيضا دي لها علاج معين مخصوص وهنقوله لما نتكلم على العلاج حركة المفصل اصبحت مش إنسيابية خالص.

المفصل كما لو كان مثل الرحايا بيضغط علي بعضه ما بيمشيش بحركة إنسيابية سهلة زي ما رأيناها ولما كانت الركبة سليمة كما قلت حضرتكم دي هتبقي من مراحل علاجها هنقول هنعالج فيها ازاي الركبة وازاي نتغلب على الألم الذي يصدر في هذه المرحلة، ونريح المريض من الألم دون اللجوء إلى مسكنات قد تضر. دلوقتي الخشونة المتقدمة الخشونة المتقدمة دي مثل ترونها بقت كل الغضاريف عبارة عن نتوءات عظمية مبقاش فيه غضاريف عظمية أصلا يعني المريض بقى ماشي عضم على عظم. طبعا احتكاك العظم بالعظم بقى عنيف. طبعا أكيد دلوقتي كل واحد فيكم يتخيل اللي كان يذهب ويقول أنا عندي شديدة وهحقن سائل الجيلاتيني ولاكن لا يستطيع عمل شيء في هذه المرحلة ممكن يبقي مساعد لكن مش علاج حركة المفصل حركة عنيفة جدا وطبعا كلها طأطأ يعني يحس العظم يطأطأ آلام مستمرة الألم بيحصله أثناء النوم وأثناء الراحة وأثناء القعدة وأثناء المشي في كل وقت عنده ألم وهذا المريض اللي بيحتاج تغيير مفصل او على أدوية مسكنة على طول وطبعا هو هذا الذي يخاف عليه الله لا قدر الله يحصل له فشل كلوي أو يحصل له قرح في المعدة.

سنكمل الفيديو لكي نرى حركة المفصل بتكون شكلها ازاي. مش مريحة خالص حركة متعبة جدا وكلها آلام عظمية إذا ما حضرتكم شايفينها زايدة جدا جدا جدا والمواد الالتهابية تفرز في الركبة بشكل كبير وبالتالي بتكون الآلام شكلها عنيف جدا المفصل حركته عنيفة جدا جدا يعني المفصل لا يوجد فيه غضاريف خالص عبارة عن عظم عبارة كله نتوءات عظمية والحركة تحت بقت كلها طقطقة وفي الغالب في الغالب المريض يشتكي يقول أنا لا أعرف اثني ركبتي للآخر يا دكتور وهو هذا المريض الذي ميعرفش أصلا لا يركع ولا يسجد يصلي وهو قاعد على الكرسي أعتقد نحن رأينا ثلاث مراحل دلوقتي ومهم جدا بالنسبة لنا  أن نستعمل الركبة بطريقة صحيحة إن شاء رب العالمين نلتقي قريبا بإذن رب العالمين في حلقة أخرى من حلقات حياتك بدون ألم إن شاء الله نستكمل طرق علاج خشونة الركبة وكمان نقول الأسباب وإن شاء رب العالمين نقول الوقاية إزاي؟ أستودعكم الله والسلام عليكم ورحمة الله وبركاته.

 

  لمشاهدة حلقة الدكتور محمد حماده عن 

 

 

بدون تعليقات
  1. […] 5- العلاج دون جراحة (درجات خشونة الركبة) : […]

  2. […] درجات خشونة الرقبة: […]

اترك رد

لن يتم نشر عنوان بريدك الإلكتروني.